Hal Abuure
Kalasaar run iyo been, kalagaro sir iyo caad, In salaadu weligeed kala tahay sunniyo faral u ogoow sax iyo maan.
Runtu xorriyad ayay ku siinaysaa, balse marka hore xanuunkeeda ayay ku badaysaa.
Guri aan buugaag iyo aqoon oolin, wuxuu la mid yahay jir aan ruux ku jirin.
Ugu dambaynta, muhiimadu maaha tirada sanadaha aad noolayd, ee waa micnaha iyo qiimaha aad u yeeshay sanadahaas.
Arrimaha ugu qallafsan waa laga dhaadhicin karaa ruuxa fahamkiisu ugu liito, haddii uusan horey uga samaysan aragti go'an; balse arrinta ugu fudud xitaa lama fahamsiin karo qofka ugu caqliga badan, haddii uu isku-qanciyay in uu mar horeba wada ogaa waxa la hor dhigay.
Dadku waa addoomoo, Lama siin awoodaha Alle lagaga maarmoo, Kali lagu ahaadee, Ha ilaawin baqashada
Qofka maankiisu xorta yahay waa kan maskaxdiisa u adeegsada xaqiiqo-raadis eex ka madhan, oonan ka gaban in uu dhuuxo afkaaro ka hor imanaya dhaqankiisa, danihiisa, ama waxa uu aaminsan yahay. Sifadani waa dhif in la helo, balse waa laf-dhabarta garashada toosan.
Nuxurka dhabta ah ee qofku kuma jiro inta uu bannaanka soo dhigo, balse wuxuu ku duugan yahay inta aanu awoodin inuu shaaca ka qaado. Haddaba, haddii aad doonayso inaad dhuuxdo shakhsiyaddiisa, dhegta ha u dhigin uun dhawaaqa afkiisa, balse labo-dhegayso aamusnaantiisa iyo weedha uusan carrabku goyn.
Aad saas u kulantaanba labiskaaga ayaa lagugu miisaamaa, balse marka la kala tagayo garaadkaaga ayaa lagugu qiimeeyaa.
